Esperanto en la stratoj de Loveno

Esperantolaan La almenaŭ trilingva Esperanto-avenuo, en industria tereno.

		Ludovicus Zamenhofstraat La tre trankvila Zamenhofstrato, ekster la urbocentro.

Jarmila arbo de Esperanto 3000 En 2000, interne de kurbo de la rivero Dilo (Dijle), ĉe la Dirk Boutslaan, estis plantata kverko, la radikoj fortike ankrigontaj ĝin en la tero. Dek jarojn poste, la tero estis forprenata por fari malaltan terason de kie oni povas rigardi la akvon de la Dilo. La tero estis, kune nun la arbo, translokita al la parko "De Bruul". Nur la nomplato provizore ŝajnas netrovebla. Eble venos alia plato?

		Kultura Centro "Romanika Pordego" La hejmo de Esperanto 3000 kaj de aliaj Lovenaj asocioj: Brusselsestraat 63 (Kultura Centro de la urbo). Ĉi tie ni ĉiumonate bonvenigas membrojn kaj aliajn esperantistojn por la vesperoj 3000. Ankaŭ la kurso por komencantoj kaj la daŭriga kurso okazas ĉi tie, kaj ofte la festo de la semajno de internacia amikeco.